أولا و قبل كل شي نحب نشكر الناس لكل الي وقفو مع فكرة وكيبيديا بالتونسي و على راسهم سيدي علي و سي طارق
و نحب زاده نشكر جميع النبارة من مناضلي حزب "فك عليك" و حزب "ماعندك وين توصل" و الاحزاب الاسلامية و القومية العربية المعهودة، و على راسهم زميلنا في الكفاح سي عاشور الناجي و الي بالمناسبة نهديلو البوست هذا
و نظرا لضيق الوقت بسبب القراية فاني باش نذكر فقط بعض الملاحظات الي ما نجمش يجيني النوم كان ما نقولهمش
هو صحيح الي التونسي ياخذ مالعربي برشة حاجات في لكلام و قواعدو، اما اللوغة عمرها ما كانت مجرد كلمات و قواعد نحوية و اكهو : اللوغة هي مرآة المجتمع بكلو : بتاريخو، بثقافتو، بعاداتو و تقاليدو... اذاكا علاش ما نجموش نحكيو على واقعنا اليوم باستعمال لوغة عندها 14 قرن
انا ما قلتش الي باش نرد التونسي لوغة وطنية (كي تجي تشوف علاش لا؟) اما المبادرة تتمثل في فتح ويكيبيديا بالتونسي و باع و روح، و الهدف من هذا هو توصيل المعلومة لاكبر عدد ممكن باش الفايدة تحصل للجميع بدون استثناء
العربية لوغة حلوة و عندها شاعريتها و كل، اما حتى الاغريقية و اللاتينية باهين ياسر زادة، و لزوز ساهمو برشة في الحضارة الانسانية... اما كل وقت و وقتو، و الدنيا ادور، و العالم يتبدل، و تمشي ناس و تجي ناس، و تمشي لوغات و تجي اخرى...
واللوغات تخضع لقاعدة التحول المستمر، و الوقوف في وجه هذا التحول هو تطليع الما في الصعدة موش العكس
ذكرت مثال الانقليزية في أمريكا و استراليا، و انا نقلك الي لولاد الصغار في البلدان هذوما ما يقعدوش يحكيو 6 سنين بلوغة و مبعد يمشيو للمكتب يلقاو حكاية اخرى، و انا نعتقد الي الصدمة اللغوية هاذي هي الي تخلي نسبة الجهل مرتفعة في دول الشرق الاوسط و شمال افريقيا (عندي الحساسية من كلمة العالم العربي)
نستغرب كيفاش هالموقف يجي من انسان عندو باع و ذراع في الالحاد، خاطرني نعتبر الي من اسباب بقاء هاللوغة هو خوف رجال الدين على دينهم من ناحية، و رغبتهم في ترك مفاتيح فهم الدين هذا في ايديهم هوما برك من ناحية اخرى : رجال الدين يقولولك باش تولي فقيه في الدين و تفتي في لعباد، لازمك تكون اول حاجة عارف باللوغة العربية، و لذلك كل ما يجي واحد باش ينقد حاجة في القرآن ديريكت ينقزو عليه و يقولولو اش تفهم منو انتي و من وقتاش تعرف العربية و هات ماك اللاوي : نظن الي كان جا القرآن مترجم للتونسي والا الدزيري و الا المغربي راهي نسبة الالحاد في هالمجتمعات تضرب تصرع
في النهاية نحب نقول كيما قال طارق الي لحكاية ما هياش عركة بين لوغتين اشكون تقتل لاخرى، على خاطر الانتقال الى لوغة جديدة حاجة فارضها علينا قانون التطور بالضبط كيما الانتقاء الطبيعي : و احنا ما نحبو كان نختصرو المسافات الزمنية باش كيما يقولو نلحق بركب الدول المتقدمة
الخميس، 11 ديسمبر 2008
الرد الشافي على عاشور الناجي
الاشتراك في:
تعليقات الرسالة (Atom)
هناك 8 تعليقات:
توه أنا تعرفني من جماعة القومية و إلاّ الهوية و إلاّ الإسلام ؟؟؟؟
وليت على راسهم جملة
يا ولادي اقراو إزح و افهموا
تي أنا ضد ها الجمعية الكل و قلت لكم راني نعتبر نفسي معاكم فكريا
أما موش شرط أي حاجة تطلعوا بيها تعجبني
باهي راهوا الاختلاف ساعات
بره توه ارتاح و ها توه نجاوبك يا كافر يا زنديق
:)))
توضيح : انت قلت على راسهم
لكن زاده قلت زميلنا و باع و ذراع في الالحاد ،
أنا تعليقي كان على حكاية على راسهم
بالطبيعة أنا لا دافعت عالعربية و لا قلت لغة مقدسة و لو كان تقرى ردي على طارق توه تتأكد
لكن فعلا المسألة مهمة برشه و تستحق أكثر نقاش ،
على الاقل على خاطر أغلب المدونين التوانسة ما يستعرفوش بالعربي جملة لا الفصحى لا الدارجة ، يمكن بسبب الصورة النمطية للعربية كلغة فقهي معقدة و ثقافة متخلفة
فكرتي هي تقريبا فكرتك
ماثماش عداء بين لغتين لكن ثمة لغة يلزمها تحي و تتطور و تواكب العصر و تكون للناس الكل واضح ؟
يا عاشور ما تاخوش في خاطرك راهي جوست تفدليكه باش نبروفوكيك شويه لا اكثر و لا اقل تي نعرفك اعظم من همي في كره العروبه ;)
هيا برد اعصابك و اقرا البوست على راحتك و كيما قولت ميسالش كان ما نتفاهموش في حاجات هذا "لا يفسد للود قضية"
مخ الهدرة يا جماعة
...
أنك تتكلم لوغتك حق إنساني بديهي
يظهرلي و المفروض المسألة هاذي تلمنا كتوانسة على اختلافاتنا المبدئية: دينيين، لادينيين، مستعربين، فرنكوفون، ليبراليين، محافظين، يساريين،.. خاصة أنا مالدول القليلة إلي عامل اللوغة فيها جزء مالهوية إذا كان موش هو نفسو الهوية. موش معقول إلي يحل فمو في الحكاية هاذي يولي منعوت بالصبع
Übermensch
bravo bravo bravo , pour la premiere fois je trouve quelqu un qui pense comme moi , sa m a bcp plus que tu dise afrike de nord et moyen orient
je t'informe que moi avec un ami a berlin nous sommes entrain de mener un combat virtuel pour affirmer l'identité tunisienne et que nous serons trés heureux que tu nous rejoigne deja mon ami a berlin il usutulise ton nom toujours je t ajoute tou de suite dans mon blog humanistvoice
et j envoie ton article a tous les membres de mon groupes Im tunisian im not arab sur facebook
j atten ton autorisation
@ Tunisian and proud
Merci bcp, c'est un grand plaisir de découvrir des personnes avec qui on partage les mêmes avis surtout lorsqu'il s'git d'une question aussi délicate que celle-ci
Le terme "afrique du nord et moyen orient" c'est en fait la traduction de MENA (Middle east & north africa) qui est souvent utilisé dans les organisations internationales.
Ça serait un honneur pour moi de participer à votre combat.
Je vous invite aussi à se lancer avec moi pour concrétiser le projet de Wikipédia en tunisien.
J'ai fait un tour sur le groupe de facebook et c'est vraiment très intéressant (même si parfois le niveau de discussion se trouve assez bas).
Enfin, je suis très flatté par l'intérêt que vous portez à l'égard de mon article.
Vous pouvez envoyer mon article aux membres de votre groupe à condition que mon nom et mon URL soient indiqués
الكل يفكر و لكن تفكير واحد يهز للخلى وتفكير آخر يهز للفينقه.و تفكير الأصوليين هو الأول و تفكير القو ميين هو الثا ني .على كل حا ل أنا رايي من رايك مع بعض التعديل توه نقو لو في منا سبة أخرى.هيا أنستو.....
@Übermensch: Ma tafra7ech yasser bel proposition meta3 TnP, a3mel tala 3ala groupate fe FB wel blog meta3ou ta tefehem ;)
(tamjid le sadam (kifah anti arab) ?, porno (soit disant liberte sexuel), Tbandir 3ala 9owet jehdou (ana 7afidhahou allah, ma jat chay 9odam ...), we en fin de compte des groupes a gogo sur FB pro sioniste !!!)
eagleeyez
nessi7a me ex weld 7ouma, eferez meli7 me3a chkoun t7eb tet7alef, fama chkoun yessafa9lek, we ma tfi9 bro7ek kan ...
إرسال تعليق