اليوم خرجت إشاعة في منطقة تونس الكبرى مفادها أنو الستيغ، و بمناسبة ذكرى التحول المبارك، قررت باش تخلص المبروك عالمواطنين و تعفيهم من دفع معاليم الإستهلاك
و بما أنو التونسي يموت عالبلوشي، هدّت جحافل المواطنين على الإدارات الجهوية متاع دار الضو على أمل توفير شوية مصروف لشراء الخروف.
و النتيجة :
ضرب بونية امام ستيغ باردو، إنقطاع حركة المرور أمام ستيغ منوبة إلخ
و بالطبيعة ما نقصو لحد حتى دنوس
إللي يعجبك في الحكاية كونو برشة ناس روحت مغششة و ماخذة في خاطرها مالستيغ قال شنوة ما فرحوش بينا
توة بالله إشاعة كيف هذي على شكون تجد؟ ياخي هاذاكة حد نيتهم؟ توة الستيغ إللي تستنى بالدقيقة و الدرج في النهار اللي تزيد فيه في كيلو التريسيتي، تقوم تفرق في الضو بلاش؟ توة معقول هذا؟ نهبط نندبهم توة؟
و بما أنو التونسي يموت عالبلوشي، هدّت جحافل المواطنين على الإدارات الجهوية متاع دار الضو على أمل توفير شوية مصروف لشراء الخروف.
و النتيجة :
ضرب بونية امام ستيغ باردو، إنقطاع حركة المرور أمام ستيغ منوبة إلخ
و بالطبيعة ما نقصو لحد حتى دنوس
إللي يعجبك في الحكاية كونو برشة ناس روحت مغششة و ماخذة في خاطرها مالستيغ قال شنوة ما فرحوش بينا
توة بالله إشاعة كيف هذي على شكون تجد؟ ياخي هاذاكة حد نيتهم؟ توة الستيغ إللي تستنى بالدقيقة و الدرج في النهار اللي تزيد فيه في كيلو التريسيتي، تقوم تفرق في الضو بلاش؟ توة معقول هذا؟ نهبط نندبهم توة؟
هناك 3 تعليقات:
نزيد النقلك الي الماء البارح كان بلاش و التالفون ليوم بلاش و غدوة ليسانس مش يرخص برشة
يصير عادى علاه تندب في وجيهك في ها العواشر وغدوة مولد هكة توة باش تقابل الامم الشقيقة والصديقة سالت وجهك :) بربي ملاحظة هاك الغناية انت حرة ما تمشيش شوف كيفاش تسجلها اوديو وحطها وتتسمى ساهمت في تهذيب الذوق العام :)
نزيدكم زيادة : مصدر الإشاعة يبدو و كإنو "موزاييك ف م" و ربي يحبس علينا العقل
@ارابيكا
توة نتصرف في لغناية و بقدرة ربي تلقاها على قريب
و كان عندك مشكلة 404 (خاطر لغناية مالدايلي موشن) راهو عندي حل ساهل ياسر اما ما نجمش نقولو باش عمار ما ياخوش في خاطرو، كان فمة شكون انتيريسي بالحكاية توة نبعثهالو في ايمايل
إرسال تعليق