كيف كنت في الليسي كانت من عاداتنا في اخر السنة الدراسية انو نتلمو في القسم و نبداو نغنيو و نعملو شوية تصاور للذكرى..
وكنت في تلك السنة جبت معاي ڨيتارتي بش نزيدو نحفلو الجو..
انا بديت نعزف في المقاطع الاولى من الاغنية و ما نرى كان في وحدة من بنات كلاسي متحجبة جاية تجري و عليها علامات الفزع.. كي وصلت بحذايا بدات تحكي و تلهّج : "من فضلك.. احترم نفسك.. خبي العود متاعك.. يزي مالعزف.. ما في بالكش حرام؟!"
... ... ...
لحظة سكوت تتبعها قهقهات متعالية لاصدقائي...
قلتلها : "من فضلك انتي احترم نفسك... ظاهرلي ما عملتش حاجة تخالف القانون.. وكان يظهرلك العكس هاوينو الباب في اخر الكولوار عهدي بيهم غادي فين يتقبلو الشكايات... و على فكرة الالة هذي اسمها ڨيتارة موش عود.."
جاوبتني : "واش مدخل القانون ؟ ربي و الرسول قالو حرام معناها حرام !"
قلتلها : "ما فيبالكش الي داوود كان بيتهوڢن زمانو و كان عازف من طراز رفيع ؟"
هي : "استغفر الله... استغفر الله... كيفاش تفتري على نبي الله الكذب ؟ و كيفاش ما تقولش صلى الله عليه و سلم ؟"
انا فمة حاجة ياسر اتطيرهالي : الصلاة عالانبياء...
و كنت ديما في حصص التاريخ كي نقراو على تاريخ الاسلام تثور ثائرتي كي الاستاذ(ة) تقول صلى الله عليه و سلم بعد ذكر اسم "محمد" (وهذا قبل حتى اعلاني الالحاد)..
و كنت ديما ندخل في نقاشات مع الاستاذ(ة) نقول فيها انو من باب الامانة العلمية انو نتجردو من توجهاتنا الفكرية و ما نخليوهاش تأثر على المنهج العلمي (كنت كي غير قريت كتاب "في الشعر الجاهلي" لطه حسين" و مازلت متأثر بالعقلانية و التخمام الرزين متاع عميد الادب العربي..)
الحق النقاشات هذي كانت مثرية جدا و علمتني اداب الحوار و مقارعة الحجة بالحجة.. اذ انو في اغلب الاحيان النقاشات من النوع هذا توفى بطردي من القسم او تهديدي بصفر في الشفاهي... و في افضل الحالات يقلي الاستاذ " برى بدل الساعة بساعة اخرى".. وهي شفرة معروفة في معهدنا و تعني "يا سيد راك نفختهملي برة دز دورة و اعمل قهيوة و نمي قدراتك الحسابية من خلال طريح بيلوت.. و هاني بش نسترجل معاك و مانيش بش نقيدك مطرود في الدفتر"
نرجعو لعلالشنا... خلينا بنت كلاسي تلوم علي كيفاش ما نصليش على داوود... ما نجمتش نشد روحي و قلتلها : " تي انا ما صليتش لربي خلي عاد على داوود..."
عاودت سيبتلي سيري جديدة متاع "استغفر الله" و مبعد قالت : "احترم نفسك ! شنوة هالاستهزاء بالمعتقدات؟ تضحك؟ اتوة اتوة تشوف مبعد اش يصير فيك!!"
انا حاشاكم عندي مرض مزمن ما عندوش دواء : وسع البال... ومن اهم اعراض المرض هذا انو يخليك تحكي برشة و ما تبطلش النقاش حتى مع العباد الي ما تفهمكش، و نعرفو كلنا الي هذا يمثل خطر كبير على الانسان ينجم يوصل حتى لتنقيص الاعمار !!
استسلمت لامري و قعدت نفسرلها الي المقدس عند ناس ينجم يكون مدنس عند ناس اخرى و الي القيم تختلف من شخص لاخر... ما حبتش تفهم... قالتلك لا معناها لا... لا سبيل اليه... تنجم تكون مختلف معايا اما لازمك تحترمني... و الاحترام معناها انو ما تغنيش و ما تشطحش في حضرتي !!
قلتلها بكل صحة رقعة : "مالا عالفازة هاني بش نغني و نشطح و نعزف مالفوق و كان موش عاجبك قدم مطلب هجرة بحذى ال سعود متأكد الي غادي باش تلقى شكون يعطيك مكانتك الي تستحقها حسب سنة الله و رسوله"
ورجعت لڨيتارتي و جوّي و عدينا لحظات لا تنسى، وخليتها هي تموت بالغزول... للي فالاخر استسلمت و خرجت مالقاعة و هي تتمتم "استغفر الله... استغفر الله... استغفر الله....."
هناك 25 تعليقًا:
عند آل سعود اليوم الدنيا قايمة كيفاش كيفاش يتعرض فيلم
موش فيلم غربي ولا مصري لا سعودي معناها كاشار و حلال
لكن كيف الغناء و العزف ، المسرح و السينما زاده حرام
استغفر الله استغفر الله استغفر الله :))))
لا يا افرمان ماتفرحش برشا
يلزمك انت تمشي تشوفلك بلاصة بحذا اخيانك في فرنسا تشطح بحذاهم و لاّ اتزبرط في جينيف ولاّ في ادغال افريقيا
اما البنية الي تحكي عليها وبالمناسبة هي للّاك، هاذيك ماتمشيش لحتى بلاصة لا للسعودية ولا لغيرها، هاذيكة تبقى في بلادها تونس
وكانك انت جيت في وقت نجمت باش تسيب رويقك الفاسد على هالبنية وتتعدى سالامات، غيرك تو يجي وقت وماعادش ينجم يحل فمو في مثل المواقف هاذيكة
والي ماشو عاجبو يتفلق
اش رايك
يا سي الغير معرّف، ماهو استنّى حتى لين يجي هاك النهار ومن بعد قول "إلّي موش عاجبو يتفلق"، على خاطر في الوقت الراهن أوفرمان وغيرهم باش يواصلو يعزفو ويعيشو حياتهم كيما يحبّو وإنتي و أمثالك هوما إلّي ينجّمو يتفلقو ولاّ حتى يشربو من البحر
هاللسان المنتن هذا وين قريتلو قبل
سبحانو ماعظم شانو
اما مايمنعش ينجم يشدني منو حتى هو
YA3TIK 3ASBA 3ALA HEL HIKAYA ILLI JEY TAHKI FIHA
SAHA ENNOUM
كان فما واحد يستحق العصبة راهو انتي على فمك الابخر اللي لازمو سواك حار ..كل واحد حر اش يخرج من فمو سي المدك غير المعرف ..اما انتي امورك تاعبة...واصل يا اوبرمنش و يضربلك على الطيارة
يا غير معرف، توة تتوعد الي باش يجيهم نهار وتعمل فيهم البطيط، ومن بعد اتقول اسلاموفوبيين؟ و هي الطفلة هذه منين تعرف الي عزف القيثار حرام، فيه قيثار القرآن؟ ما فيباليش
قال رسول الله صلى الله عليه وسلم : " ليكونن من أمتي أقوام يستحلون الحر والحرير والخمر والمعازف .. "
هذا هو الحديث اللي عمل بيه المجهول
Dire que cette fille va rester dans son pays tounes avec cet orgueil !!!
Mais c’est aussi notre pays, sauf que nous on ne veut pas voir une Tunisie toute triste et bourrée de conneries …
D’ailleurs avec ton niveau de dialogue on peut dès maintenant se faire une petite idée sur l’avenir de la Tunisie.
قال صلى الله عليه وسلم (( من رأى منكم منكرا فليغيره بيده فان لم يستطع فبلسانه فان لم يستطع فبقلبه وذلك اضعف الايمان ))
هذا هو مبدأ الامر بالمعروف والنهي عن المنكر واذا كنت مش مقتنع ولا تريد نصائح احد افعل ما شئت وجمع اصحابك في دارك
هي حاولت تنصح لكن لا تعرف انك كافر وملحد
يا غير المعرّف
ياخي عندك نص ديني يحرّم الموسيقى وإلا سمعت هكا من أولاد عبد الوهاب وصدقت؟
على خاطر كان ما ثماش نص راهي مشكلة وكان ثمة نص راهي مشكلة المشاكل.
SAMAHNI 5OUYA ENA WE9ETT ILLI 3ATITOU 3ASBA NOUCHKOUR FIHE 3ALA 5ATTIR 3JIBNI ENNASS MTA3OU WELL BA3RRA TADOULOU 3ALA IL BA3IR HASSB ETTASSWIRA MTA3OU 9OULICH 3ALLIHE PDG SANS G 3ALA HADEKA ENA KARAMTOU WE 3ATITOU 3ASBA
وانتى يا مهف يا ماهيفا
اش يهمك ثمة ولا ما ثماش نص في مايخص الموسيقى، تي ماك ملحد سيب عليك من الاسلام
ملا حالة قداش كعرارة الجماعة
نعاود نقول
الاسلام ماشو موجود باش يتفصل على حساب الناس كيما تحب
وخاصة كي يكونو تاعبين في حاجة للمعالجة
يكفي الاسلام الي مؤمني بيه، والباقي الي يحب يدخلو مرحبا بيه والي مايحبش ينجم ينطح راسو على اقرب حيط
j'aimerais bien comprendre!!!
vous réclamez qu'on laisse la religion tranquille mais vous dépassez vos limites en vs intégrant dans notre vie personnelle!! tawa ki howa mouch moslem mahachtouch bwahda ta3malou fi leçon de morale !!!encore pire
dont le sujet porte sur la légitimité de la musique !!!
ياأوفرمن، انتي واللي كيفك عمركم لاكم باش تهناو وهاو علاش:
1. المعضلة الكبرى للي كيفكم ماهيش الدين بصفة عامة بل الاسلام على وجه الخصوص. داكم وشواكم كيفاش الناس رجعت لربي و قاعدين يتوبو و يشدو في الثنية الصحيحة، و لوكان جاو مسيحيين والا غيرو راك انتي و عاشور و الملاهط اللي كيفكم تمارسو في تمخوير الخشم والا تدونو على مرض الحلوف.
2. لطفلة اللي كاتب عليها في الـ.مدونة. متاعك، حتى ولو نفرضو أنها غالطة، من الغباء والتبهليل أنك تتصرف كيف ما تصرفت، خاطرك عملت هكاكة من دافع شخصي أنك مريض باللي تسمي فيه وسع البال، لكني أنا نسميه وسع المخرج.. النتيجة هي أني الطفلة زادت اقتنعت ببهامتك وجهلك والاهم انها زادت كبشت في دينها، وانتي جاي تحكيلنا على بطولاتك معناها؟ هههههه
3. الصانع متاعك اكسترافقنزا ماهوش فاهم شي من الدنيا، خاطرو لو كان يسيب الماكينة اللي عابدها 24/7 و يخرج يدور تو يفهم اللي ما فمة حتى ملحد عندو الشجاعة الكافية باش يعلن الحادو، انا نعذرو خاطر بعد عمر 32 يبدا المخ يتبعبص بالشوية بالشوية، و أي 1 قرالو في المدة الأخيرة ينجم يلاحظ مدى الخرف في حكاياتو.
4. يا حبايبي يا حلوين، بلاصتكم ما تجيورا ايكران، و يوفى.
قبل ما ننسى، هاي حويجة تشدو فيها حتى نرجعلكم: http://media.photobucket.com/image/penis%20donkey/raydar0/donkeykong/donkey_dick.jpg
anonyme eli 9abli , t'arrives pas à te faire comprendre..tetla3chi mahéva ? hahahaha
الغير معرف الي قبلي
اي نطلعوش الجماعة الزوز حكايتنا بيدونة وندورو على بعضنا في عوض نتندور على المهفة
انا نقصد الي هي ماحاجتهاش باش تعرس
على خاطر شبعانة بيه كيما جماعة المتطورين الكل
ويحي التطور والتنوير
@ عاشور
في بالي بيه الفيلم السعودي شفت الاعلان متاعو... ظاهرلي على خاطر فيه شوية بنات موش متحجبين اذاكا علاه قامت القيامة. على كل حال الفيلم بش يتعدى في التلفزة نهار الاحد في الليل في روتانا..
@ الغير معرف الاول
اش رايك كان تتفلق انتي موش خير ؟ خاصة انو احتمال تلقى واش و سبعين ملهط تستنى في سيادتك ؟ اش قلت ؟
@ الانونيم متاع العصبة
يا متعصّب اتعلم عصّب و مبعد ايجى حل جلغتك !! هاو بش نوسع بالي و نقريك : العصبة في اللغة ما تتعطى كان على عضو من اعضاء الجسد كيما صرمك، كرايمك، و في بعض الروايات على عينك... اما هذي "عصبة على الحكاية الي تحكي فيها" ما أنزل الله بها من سلطان !! و مبعد تقلي "صحة النوم" ؟! تنجمشي تفسرلي شنية محلها مالاعراب هذي ؟ المرة الجاية ننصحك تراجع معلوماتك اللغوية قبل ما تحط كسرتك عالكلافيي
@ الانونيم الي جاب الحديث من وذنو
الحديث يقول "فليغيره بيده فان لم يستطع فبلسانه فان لم يستطع فبقلبه" : تحب تقول المرة الجاية تولي تفكلي الڨيتار و تضربها عالحيط و كاااان ما نجمتش وقتها تولي "و ادعو الى سبيل ربك بالحكمة و الموعظة الحسنة"؟
لاول مرة بش نضطر نفسخ تعاليق على خاطر يمسو من حرمة بعض المعلقين...
و للغير معرفين الي يحترفوا فالسبان المجاني : اثبتتوا للمرة الالف عدم قدرتكم على الحوار كالناس المتحضرة... برافو و يعطيكم الصحة : برجولية انا من غدوة بش انبطل الشراب و نولي نصلي : سلوككم الحضاري خلاني نحس بعظمة هالدين الحنيف و تأثيرو الايجابي عالافراد و المجتمعات...
@ الانونيم متاعالنقاط الاربعة
1 اولا غالط الي تقول فيه... مشكلتي مع جميع الاديان خاصة الاديان السماوية... يمكن ما واتاتش الفرصة بش نعبر على موقفي مالمسيحية... اما اذاكا على خاطر الى حد يومنا هذا ما جاني حد قلي نحب نحكم باسم المسيح و نطبق شريعتو و نقص الرقاب و الايدي و الارجل...
2 اذا كان فهمت الي المقصود بالتدوينة هو سرد بطولاتي فانك ظاهر مالجماعة الي "في عقولهم مرض"... كان جيت نحب نحكي على انجازاتي راني بدلتها الحكاية و رديتها اقتنعت فالاخر و دخلت للكنسرفاتوار تتعلم في الكمنجة... اما الواقع التعيس هو انو حتى واحد ما قنع الاخر.. و هذا ناتج على غياب ثقافة الحوار و الي انتي اكبر دليل على عدم وجودها
و على هذا ظاهرلي مدونتي مانيش كاريها من عند سيادتك، بمعنى نكتب اش نحب و كان عجبك زادة... و كان ماعجبكش برى اضرب راسك على اقرب حيط على خاطر ماللاخر تضربلي عالطيارة كيما قلك مفعوص
3 نهارة الي تخرج انتي للعالم الحقاني و تسيب مدوناتنا الي عبدها 24/7 اتوة ترى الي عدد الملحدين اكبر ماللي تتصور... و كان ما جاش التخويف و الترهيب الي تمارسو فيه على بعضكم توة تشوف "نصر العقل و الفتح و رأيت الناس يخرجون من دين الله افواجا"
4 انتي واللي كيفك عمركم لاكم باش تهناو على خاطر كيما قلك البيغ (الي بالمناسبة يشرفك و يعرفك هو و الزبراط و فررر و عاشور و مفعوص وللّاك ماهيفا) انا نعيش و نبلع و نعزف و نغني و انّيك و "من رغب عن سنتي فليس مني"... و نفطر رمضان و نبلع نهار الجمعة و البريمة يشدني من اطول شعرة...
اما انتوما تقعدو حياتكم كاملة تموتو بالغزول : تتعداو قدام معمل البيرة تستغفرو في ربكم، تشوفو مرا لابسة ميني تكرزوا، تتعداو قدام بار تفدوا، تحضروا في عرس فيه عوادة تروحو، تشوفو لوحة فنية تقولو حرام، تشوفو صنبة ابن خلدون تقولو جاهلية... و اقصى ما نجمتو توصلولو هو "الاسلام دينها" ههههههه... و زيد عاملين منها راس مال و ناسين الي بقية الدستور يحمي (الى حد كبير) الحريات الشخصية من خزعبلاتكم و ترهاتكم...
لذلك كان فمة شكون باش يموت بغيضه راهو نتوما... و كان فمة شكون بش يهج من "بلادو" تونس راهو انتوما..
و يوفى
يزي عاد يا طفل يا ابرمان من الغش
اخي حتى انتم عباد زادة وتتغشو
اما مابيناتنا انا عارف ومتاكد انك الكلام الي تقول فيه انت نفسك ماشك مصدقو
وناكدلك راك انت وجماعتك راكم خايفين كل نهار يطلع
تمشوش تتشدو ويقيمو عليكم الحد
هههههه
AYA THABET ROUHEK BABA
MARA YA3TIK 3ASBA WSABEN TALA3 HABET WAMARA 9ALA ERASSOUL SALLA ALLAH 3ALAYH WSALEM WTAYCHELNA FI A7ADITH MEL BEB
MAW ERSI 3LA BARR
5ALINA NAJMOU NTAB3OUK
إرسال تعليق