البداية

أفغانستان...؟
-لا
-السعودية...؟
-لا لا!
-مالا ايران؟
-تي لا عاد!
-ايمالا باز دزاير؟
-تي شبيك ضايع فيها ؟ تي تونس راهي! تونس!
-يزّي؟!
-تي وراس خويا تونس! ماكابتيتش لبلاكة ماللوطة؟ هاويني تونس مكتوبة قد راسك؟
-وفين لقيتها هالكعبة؟
-في قلب العاصمة : نهج الكويت و مبعد دارت لمحمد الخامس...
-يا والله احوال...وقيلة ترزينا فيها تونس الامن و الامان و حوار الحضارات..!
-يا ولدي على انا حوار وانا حضارات تحكي؟ ماكش تشوف في اكا السيف لعزيز الغالي... تقول داخلين على حرب!
-والله شي يخوف؟
-لا يخوف و لا هم يحزنون... كان يحبو عالحرب نحن لها... اما احنا ماناش حيوانات باش نهبطو نقتلو في بعضنا... احنا سلاحنا الكلمة!
-و كي هوما يهبطو عليك و يفشخوك؟ وإلا يعملو عليك فتوى و يحبو يقتلوك؟

-ما انجم نقلك كان حاجة وحدة : الصبر لله و الرجوع لربي.. اما الدنيا واهلها في ال