البارح هزيت روحي لسينما و قلت برة ما فيها باس نعملو طلة على ايام كبان سعد السينما بقرطاج. هو كي تجي تشوف انا مانحبش برشة التظاهرات من النوع هاذا على خاطر حاجتين :
1 الحاجة لولة هي على خاطر هالايام هذي تمثل قمة النفاق المنتشر لدى التوانسة : شعب كامل بين نهار و ليلة ماللي كان ما على بالوش بالسينما يولي يموت و يفنى فيها ويولي الدخول للصالات بالدزان و ضرب البونية
2 الامور التنظيمية واللي توة نزيد نحكي عليها بعد شوية
حصيلو مشيت لصالة مالصالات و دخلت لفيلم تركي اسمو تقوى. ما نحكيلكمش عالجو قبل ما يبدى الفيلم : قازوز و كسكروتات و قلوب من هنا ، كوبلوات تبوش من غادي ، جماعة تسمع في المزود في الكوان اللي عاليمين و جماعة اليسار يسمعو في غنايات الفيراج. خلي عاد مالمرى اللي واقفة في الباب و اللي تعطس في كل مواطن يدخل : "ما تقعدش ن غااادي ! ريزيييرفيي!!" بديت نندم على المشية الحرفة و الدنوس اللي دفعتو بش ندخل. بعد شوية طفات الاضواء و جات سيكونس متاع 3 ثواني تقول فيها مرا
TV5 : Tout un monde de cinéma... TV5
بعد ما تعاودت السيكونس 44 مرة بدى الفيلم و سكتت العباد الكل... بعد درج كثر الحس و بدات الناس تخرج افواجا افواجا : الجماعة فاقو اللي الفيلم لا علاقة بمسلسل نور و اون بلوس بالتركي و سوتيتري بالانقليز، و هذي حاجة ماتساعدش برشة وقت اللي نعرفو اللي المعدل الوطني متاع الانقليز في امتحانات الباك في 2007 كانت 3/20
الفيلم موش دوني حتى طرف و يحكي على واحد فقير يشارك في حلقات ذكر في ما يشبه الاخوية و كيفاش ولات عندو مسؤوليات في الاخوية و ولى محترم و مبعد ولى يعمل في حوايج تتنافى مع مبادؤو . الفيلم فيه موزيكة ياسر قوية و يعرفك على جوانب مالحياة اليومية في تركيا رغم انو يبدو و كاينو قديم شوية.
مالاخر فيلم يستحق المشاهدة كيما يقولو رغم اللي برشة ما فهمو منو شي و خرجو مبهمين.
1 الحاجة لولة هي على خاطر هالايام هذي تمثل قمة النفاق المنتشر لدى التوانسة : شعب كامل بين نهار و ليلة ماللي كان ما على بالوش بالسينما يولي يموت و يفنى فيها ويولي الدخول للصالات بالدزان و ضرب البونية
2 الامور التنظيمية واللي توة نزيد نحكي عليها بعد شوية
حصيلو مشيت لصالة مالصالات و دخلت لفيلم تركي اسمو تقوى. ما نحكيلكمش عالجو قبل ما يبدى الفيلم : قازوز و كسكروتات و قلوب من هنا ، كوبلوات تبوش من غادي ، جماعة تسمع في المزود في الكوان اللي عاليمين و جماعة اليسار يسمعو في غنايات الفيراج. خلي عاد مالمرى اللي واقفة في الباب و اللي تعطس في كل مواطن يدخل : "ما تقعدش ن غااادي ! ريزيييرفيي!!" بديت نندم على المشية الحرفة و الدنوس اللي دفعتو بش ندخل. بعد شوية طفات الاضواء و جات سيكونس متاع 3 ثواني تقول فيها مرا
TV5 : Tout un monde de cinéma... TV5
بعد ما تعاودت السيكونس 44 مرة بدى الفيلم و سكتت العباد الكل... بعد درج كثر الحس و بدات الناس تخرج افواجا افواجا : الجماعة فاقو اللي الفيلم لا علاقة بمسلسل نور و اون بلوس بالتركي و سوتيتري بالانقليز، و هذي حاجة ماتساعدش برشة وقت اللي نعرفو اللي المعدل الوطني متاع الانقليز في امتحانات الباك في 2007 كانت 3/20
الفيلم موش دوني حتى طرف و يحكي على واحد فقير يشارك في حلقات ذكر في ما يشبه الاخوية و كيفاش ولات عندو مسؤوليات في الاخوية و ولى محترم و مبعد ولى يعمل في حوايج تتنافى مع مبادؤو . الفيلم فيه موزيكة ياسر قوية و يعرفك على جوانب مالحياة اليومية في تركيا رغم انو يبدو و كاينو قديم شوية.
مالاخر فيلم يستحق المشاهدة كيما يقولو رغم اللي برشة ما فهمو منو شي و خرجو مبهمين.
خرجت مالصالة و قلت برة هو كي دنوس كي زوز برة نشوفو فيلم اخر
هناك تعليقان (2):
tu peux pas changer ce fond noir qui ne facilite pas la lecture ?
c'est mieux comme ça?
إرسال تعليق